填完人口普查。
我應該係極極極少數鍾意填人口普查嘅人。
我抽唔中填長問卷，只要填短問卷，答完年齡性別種族就玩完，好唔開心。我仲好想話俾佢知我每日要搭幾多程車返工㗎，你問埋我啦。
調查信件中有一張同區人口簡介，用呢個方法話俾市民知你填嘅內容最後會變成點樣嘅數據，幾好。讚一下。
種族可以填多過一個，仲可以揀黑人，好。以前見教書成日講笑話如果奧巴馬嚟香港住，人口普查會唔知點算。終於填到喇！
我知道大家都唔會信政府真係會跟數據嚟施政，不過都懇請大家填咗佢。你的參與，對我呢個數據佬實在好重要。幫幫手，當留個歷史紀錄，就當數吓邊區最多人移民走咗都好。